په هرات کې یوه سړي خپلې دوه میرمنې وژلي دي

د هرات ولایت سیمه ییزو سرچینو تایید کړې، چې د دغه ولایت په کرخ ولسوالۍ کې یوه سړي خپلې دوه مېرمنې په ډزو وژلي دي.

د سرچينې د معلوماتو له مخې، دغه پېښه د شنبې په ورځ د جوزا په پنځمه د هرات ولايت د کرخ ولسوالۍ مرکز ته څېرمه رامنځته شوې ده.

سرچينې زياته کړه، چې د يادو دوو مېرمنو جسدونه د هرات د عامې روغتيا روغتون ته لېږدول شوي او په ډزو وژل شوي دي.

ویل کېږي چې دغه سړي له لفظي شخړې وروسته خپلې دوه مېرمنې په ډزو وژلي دي.

جمهورخبري آژانس