وسله والو په بلوچستان کې اووه کارکوونکي په ډزو وژلي دي

د پاکستان پولیسو اعلان وکړ چې وسله والو د پاکستان په جنوب لویدیځ کې د بلوچستان په ایالت کې اوه تنه کارګران وژلي دي.

د جمهور خبري آژانس د خبر له مخې د پاکستان پولیسو اعلان کړی، چې وسله والو تېره ورځ د پاکستان په جنوب لوېدیځ کې په بلوچستان ایالت کې ۷ مزدوران وژلي دي.

پاکستاني پولیسو رسنیو ته ویلي چې وسله والو کسانو د کارګرانو پر استوګنځي برید کړی او له وسلو سره یې ډزې کړې دي.

تر اوسه کوم کس یا ډلې د دغه برید پړه پر غاړه نه ده اخیستې.

د راپورونو له مخې، د روان کال د اګست په میاشت کې بلوچستان د څو کلونو په اوږدو کې د خورا پراخ تاوتریخوالي شاهد و، چې بېلتون غوښتونکو جنګیالیو د پولیسو په مرکزونو، د اورګاډي په لیکو او لویو لارو بریدونه وکړل.

جمهورخبري آژانس