سیمه ییز چارواکي تاییدوي، چې د غزني ولایت د شهیدانو او معلولینو چارو امر د وسله والو کسانو په برید کې وژل شوی دی.
د
جمهور خبري آژانس د خبر له مخې د غزني د والي ویاند محمد عارف نوري وايي، دغه پېښه نن سه شنبې د لیندۍ ۱۹ مه سهار مهال د غزني ښار په درېیم پلان سیمه کې رامنځ ته شوې.
نوموړي زیاته کړه، چې وسله والو کسانو په یاده سیمه کې د غزني د شهیدانو او معلولینو په سرپرست امر نصرالله سیاسي باندې د بې غږه تومانچې ډزې کړې او وژلی یې دي.
د غزني د والي ویاند زیاتوي، چې وسله وال تر برید وروسته له سیمې په تېښته بریالي شوی، خو امنیتي ځواکونه یې د نیولو په لټه کې دي.
تر اوسه د دغه وژنې مسوولیت چا نه دی اخیستی.
جمهورخبري آژانس:غزني