سیمه ییز چارواکي تاییدوي، چې بادغیس ولایت کې یو کس خپل ورور او مېرمن د نامشروع اړیکو لرلو په تور وژلي دي.
د
جمهور خبري آژانس د خبر له مخې دغه پېښه د بادغیس ولایت د قادس ولسوالۍ په بادروک کلي کې رامنځ ته شوې ده.
د بادغیس د ښځو چارو ریسه راحله نادري د دغه خبر د پخلي تر څنګ وايي، یو سړي خپل ځوان ورور، د ده له مېرمنې سره د جنسي اړیکو په تور وژلي دي.
نوموړې زیاته کړې، چې فخرالدین نومي کس خپله مېرمن د جنسي رابطې پر مهال له خپل ورور سره چې شهاب الدین نومېږي نیولې او دواړه یې په ډزو وژلي دي.
د هغې په وینا سړی او ښځه له ۲۵ تر ۳۰ کلونو پورې عمرونه درلود او کله چې د ښځې مېړه دوی د جنسي اړیکې پر مهال نیولي، دواړه یې وژلي دي.
جمهورخبري آژانس:بادغیس