په بادغیس د ترکمنستان برېښنا پرې شوې

په بادغیس ولایت کې دولتي سرچینې وايي، دغه ولایت ته له ترکمنستان څخه وارداتي برېښنا پرې شوې ده.

د سرچينې د معلوماتو له مخې، له ترکمنستان څخه د بادغيس ولايت مرکز قلعه نو ښار ته د وارداتي برېښنا مزي له دوو ورځو راهيسې پرې شوي دي.

ویل کېږي، چې د ترکمنستان د برېښنا پرې کېدو د بادغیس اوسېدونکي له ګڼو ستونزو سره مخ کړي دي.

ترکمنستان په دې اړه څه نه دي ویلي؛ خو د طالبانو سيمه ييز چارواکي وايي، چې په ګاونډ کې يې برېښنا د تخريبي ستونزو له امله پرې شوې ده.

جمهورخبري آژانس