د نیمروز ولایت د ولایتي روغتون لرې کړل شوي رییس ډاکتر حبیب الله نیازي ویلي، د دغه ریاست ټولې چارې د یوه فاسد ټیم په لاس کې دي.
ډاکتر نیازي ویلي، له همدې امله ده د سلواغې له ۱۰ مې راهیسې له خپلې دندې استعفا کړې ده.
نوموړي د خپلې استعفا لامل په دغه روغتون کې بې بند وباري او د یوه فاسد ټیم په لاس کې د چارواکو اخیستل په ګوته کړې دي.
ده زیاته کړې«د روغتیا اړوند ټولې پروزې د یوه فاسد ټیم له خوا اداره کېږي، په روغتون کې درمل او امکانات نشته او ان د ناروغانو لپاره بستر نه لري.»
نوموړي ویلي، چې دغه فاسد ټیم به د روغتون پیسې، درمل او امکانات په خپل منځ کې سره وېشل، خو د کوم فاسد کس نوم یې نه دی په ګوته کړي.
جمهورخبري آژانس