د کابل-جلال اباد پر لویه لار ترافیکي پېښه؛ ۶ تنه مړه او ټپیان شول

د کابل – جلال اباد پر لویه لار د یوې ترافیکي پېښې په پایله کې ۶ تنو ته مرګ ژوبله اوښتې ده.

دا پېښه تېره شپه د غوايي ۵ مه په ورځ د کابل ولایت په سروبي ولسوالۍ کې هغه مهال رامنځته شوه، چې یو کرولا ډوله موټر له یوه غره سره ټکر شو.

په دغه پېښه کې ۵ تنه وژل شوي او ۱ بل ژوبل دی.

ويل کيږي چې ښايي دغه موټر د غير قانوني سرعت له امله د چلوونکي له کنټرول څخه وتلی او له غره سره ټکر شوی دی.

جمهورخبري آژانس