نیمروز ولایت کې د افغانو ځواکونو د یوه هوايي برید او په کې د یو شمېر کسانو د مرګ ژوبلې خبر ورکړل شوي، چې ځايي خلک یې ملکیان خو چارواکي یې طالبان بولي.

سمیه ییز چارواکي وايي، د غزني – کابل پر لویه لار د غزني ولایت اړوند سیمه کې د سړک د غاړې ماین چاودنې ۱۲ ملکیانو ته مرګ ژوبله اړولې.

ملګرو ملتونو په یوه تازه راپور کې د میانمار په راخین ایالت کې د روهینګیا مسلمانو د ټولوژنې په اړه د جدي پلټنو غوښتنه کړې ده.

د ملګرو ملتونو تر چتر لاندې د غونډو برخوال وايي، په افغانستان کې د جګړې ښکېلې غاړي باید د ملکیانو د مرګ ژوبلې مخنیوي ته جدي پام وکړي.

ملګري ملتونه وايي، په تېر ۲۰۱۷ میلادي کال کې په افغانستان کې تر لسو زرو زیاتو ملکي وګړو ته مرګ ژوبله اوښتې ده.

د افغان مېرمنو شبکه وايي، سږ کال په ټول هېواد کې د ښځو پر وړاندې د تاوتریخوالي ۵ زره پېښې ثبت شوې دي، چې پر وړاندې مبارزې ته جدي اړتیا ده.

امریکايي واشنګټن پوست ورځپاڼې د افغانستان په اړه په یوه مطلب کې ویلي، چې په تېرو ۱۷ کلونو کې په دغه هېواد کې تر سل زره زیات افغانان وژل شوي دي.

د هاګ یا د جرمونو نړیوالې محکمې ویلي، چې وسله وال طالبان به ارو مرو یوه ورځ د نړیوالې محکمې مېز ته راکش کړای شي.