په یوه کال کې له افغانستان څخه ۷۵۸ ماشومان د انګلیسي چینل له لارې بریتانیا ته داخل شوي دي

د کډوالۍ په برخه کې یوې برتانوي موسسې د بریتانیا د کورنیو چارو وزارت په حواله راپور ورکړی چې په یوه کال کې له افغانستان څخه ۷۵۸ ماشومان د انګلیسي ژبې له لارې بریتانیا ته داخل شوي دي.

دغه سازمان زیاته کړې چې په یوه کال کې ټولټال ۵۶۶۲ افغان کډوال د انګلیسي چینل له لارې بریتانیا ته داخل شوي دي.

د برتانیا د کورنیو چارو وزارت وايي، په همدې موده کې ۳۵۰ افغانان د کډوالۍ له کره اسنادو پرته د الوتنې له لارې بریتانیا ته رسېدلي دي.

د دوی له جملې څخه ۱۸۵۴ تنه د افغانانو لپاره د بیا میشتیدنې د ځانګړي پلان له مخې تائید شوي دي.

د راپور پر بنسټ، په همدې یوه کال کې ۶۰۴۲ افغان کډوال د دغه هېواد د بیا مېشتېدو د پروګرامونو له لارې بریتانیا ته لېږدول شوي دي.

په برتانیا کې د کډوالۍ په برخه کې فعال سازمانونه وايي، ډېری هغه ماشومان چې د خطرناک انګلیسي چینل له لارې برتانیا ته داخل شوي، هغه دي چې کورنۍ یې د ایستلو په بهیر کې برتانیا ته راوړل شوي دي.

په برتانیا کې د کورنیو د بیا یوځای کېدو د سختو قوانینو له کبله دغه ماشومان اړ شوي چې له خطرناکو لارو مهاجرت ومني.

د برتانیا حکومت مخکې ژمنه کړې وه چې د هغو کورنیو د بیا یوځای کېدو لپاره قانوني لارې چارې برابرې کړي چې د ایستلو د بهیر په لومړیو ورځو کې یې خپل ماشومان شاته پرېښي دي.

خو د کډوالو د حقونو سازمانونه وايي، چې د برتانیا حکومت تر اوسه د افغان ماشومانو د ادغام لپاره کوم مشخص وړاندیز نه دی کړی.

د "نړیوال سرپناه دهلیز" په نوم د یوې ادارې اجرایوي مشرې وانډا ویچورسکا وویل، د هغو افغان ماشومانو ژوند چې له خپلو کورنیو څخه جلا شوي په هغو لارو پورې اړه لري چې دوی له خپلو کورنیو سره نښلوي.

هغه زیاته کړه، «په خواشینۍ سره، دا د حیرانتیا خبره نه ده چې دومره ډېر افغان ماشومان باید په یوازې ځان خطرناک سفر وکړي.» 

د دې چارواکي په وینا، افغان والدین په "وحشت سره" د خپلو ماشومانو له قانوني ادغام څخه بې برخې دي.

جمهورخبري آژانس